दोघा प्रिन्स साहेबांना अटक

घरफोडीत चोरट्यांकडून जप्त केलेले दागिने पोलिस ठाण्यात जमा न करता परस्पर सोनाराला विकून पैसे घेणाऱ्या दोन बीट मार्शलला झोन दोनचे उपायुक्त बच्चन सिंग यांनी निलंबित केले. विशेष म्हणजे या पोलिसांनी चोराला ‘प्रिन्स साहेब’ नावाने त्यांचा मोबाइल क्रमांक दिला होता. येरवडा पोलिसांच्या तपासात हा क्रमांक हाती लागल्याने त्यांनी सखोल चौकशी करून ‘चोरांवर मोर’होणाऱ्या कोरेगाव पार्क ठाण्याच्या दोन पोलिसांना शुक्रवारी अटक केली. कोर्टाने दोघांना एक दिवसांची पोलिस कोठडी सुनावली आहे. नितीन फकीर शिंदे (वय २९, रा. हिंगणेमळा, हडपसर) आणि आकाश बलदेव सिमरे (वय ३२, रा. पोलिस लाइन, औंध) असे अटक केलेल्या पोलिसांची नावे आहेत.

from Pune News in Marathi, पुणे न्यूज़, Latest Pune News Headlines https://ift.tt/2BMAIiM