आरोपी प्रज्ञासिंह न्यायालयातील 'गैरसोयीं'नी संतप्त

मालेगाव बॉम्बस्फोट खटल्याच्या सुनावणीसाठी हजेरी लावण्याविषयी न्यायालयाने तंबी दिल्यानंतर आरोपी असलेल्या नवनिर्वाचित भाजप खासदार साध्वी प्रज्ञासिंह ठाकूर या अखेर शुक्रवारी एनआयए विशेष न्यायालयात उपस्थित राहिल्या. मात्र, जवळपास तीन-चार तास उभे राहूनच सुनावणी ऐकावी लागल्याने संतापलेल्या साध्वी यांनी न्यायाधीश उठून चेंबरमध्ये जाताच थयथयाट केला. 'गुन्हा सिद्ध झाल्यास हवे तर मला फासावर लटकवा, पण गुन्हा सिद्ध होत नाही, तोपर्यंत मला आरोपी म्हणून अधिकार आहेत. त्याप्रमाणे मला बसण्याची किमान योग्य सुविधा तरी मिळायला हवी. ही कोणती पद्धत?', असा संताप त्यांनी न्यायालयातच बोलून दाखवला.

from Mumbai News, Latest Mumbai News in Marathi, Mumbai Local News, Mumbai News Online, मुंबई बातम्या http://bit.ly/2MH63Lq